அமைதி காக்க மார்க்சிஸ்ட் கட்சி வேண்டுகோள்!

தென் மாவட்டங்கள் சிலவற்றில் கடந்த இரு தினங்களாக நடைபெற்று வரும் கொலைகள், வன்முறைகள், பதற்றம் ஆகியவை குறித்து மார்க்சிஸ்ட் கம்யூனிஸ்ட் கட்சி தனது ஆழ்ந்த கவலையைத் தெரிவித்துக் கொள்கிறது. அப்பாவிகள் கொல்லப்பட்டிருப்பது கண்டிக்கத் தக்கது. இத்தகைய வன்முறை நாகரீக சமூகத்திற்கு பொருத்தமற்றது, காட்டுமிராண்டித்தனமானது.

இக்கொலைகளையொட்டியும், அதற்கு முன்னரும் நடைபெற்றுள்ள வன்முறைகளால் இம்மாவட்டங்களில் பதற்றம் ஏற்பட்டுள்ளதோடு மக்களின் இயல்பு வாழ்க்கையும் பாதிக்கப்பட்டுள்ளது. கொலையாளிகள் மற்றும் வன்முறையாளர்களின் சதிக்கு இரையாக வேண்டாம் என மக்களை மார்க்சிஸ்ட் கம்யூனிஸ்ட் கட்சி கேட்டுக் கொள்கிறது.

ஆத்திர மூட்டல்களுக்கு இடம் கொடுக்காமல், சமூக பதற்றத்தை தணிக்கவும், அமைதியை ஏற்படுத்தவும் மக்களை வேண்டிக் கொள்கிறது. குற்றவாளிகளை உடனடியாக கைது செய்ய வேண்டுமெனவும், வன்முறைகளைத் தடுத்து நிறுத்தவும், பதற்றத்தைத் தணிக்கவும் தகுந்த கண்காணிப்பும், உரிய தலையீடுகளும் செய்ய வேண்டுமெனவும் காவல்துறையையும், தமிழக அரசையும் மார்க்சிஸ்ட் கம்யூனிஸ்ட் கட்சியின் மாநில செயற்குழு வலியுறுத்துகிறது.

Check Also

பேராசிரியர் சுந்தரவள்ளி மீது அவதூறு பரப்புபவர்களை உடனடியாக கைது செய்க!

கருத்தை எதிர் கருத்து மூலம் எதிர்கொள்ள முடியாத மதவெறியர்கள், பிற்போக்காளர்கள் அவரைத் தொடர்ந்து இழிவுசெய்து வருகின்றனர். இத்தகைய கோழைத்தனமான செயலை மார்க்சிஸ்ட் கம்யூனிஸ்ட் கட்சி வன்மையாகக் கண்டிக்கிறது.

Leave a Reply