இந்தியைத் திணிக்காதே! சிபிஐ(எம்) எச்சரிக்கை!

மத்திய அரசின் இந்தித் திணிப்பு அறிவிப்பிற்கு மார்க்சிஸ்ட் கம்யூனிஸ்ட் கட்சி கடும் எதிர்ப்பு தெரிவித்துள்ளது. இது தொடர்பாக கட்சியின் அரசியல் தலைமைக்குழு வெளியிட்டுள்ள அறிக்கையில் கூறப்பட்டிருப்பதாவது:

மத்திய உள்துறை அமைச்சர், அமித்ஷா, இந்தி தேசிய மொழியாகக் கருதப்பட வேண்டும் என்று அறிவித்திருப்பது இந்திய அரசமைப்புச் சட்டத்தின் உணர்வுக்கும் நாட்டின் பல மொழிகள் இடையேயான ஒற்றுமைப் பண்புக்கும் எதிரானதாகும்.

அரசமைப்புச் சட்டத்தின் எட்டாவது அட்டவணையில் பட்டியலிடப்பட்டுள்ள அனைத்து மொழிகளும் தேசிய மொழிகள்தான். அவை அனைத்தும் சமமாகத்தான் கருதப்பட வேண்டும். ஏதேனும் ஒரு மொழியை அம்மொழி பேசாத மற்ற மாநில மக்களிடம் திணிக்க முயன்றால், அது நாட்டின் ஒற்றுமைக்கும், ஒருமைப்பாட்டுக்கும் சீர்குலைவை ஏற்படுத்தவே இட்டுச் செல்லும்.

ஆர்எஸ்எஸ் இயக்கத்தின் சித்தாந்தமான ஒரே நாடு, ஒரே கலாச்சாரம், ஒரே மொழி என்பதன் அடிப்படையில் மத்திய அரசு மேற்கொண்டிருக்கும் இம்முயற்சிகளை மார்க்சிஸ்ட் கம்யூனிஸ்ட் கட்சியின் அரசியல் தலைமைக்குழு கடுமையாக எதிர்க்கிறது.

Check Also

உள்ளாட்சி அமைப்புகளில் மாற்றுத்திறானிகளுக்கு நியமன பதவி வழங்கிட சிறப்பு சட்டம் இயற்றுக!

மாற்றுத் திறனாளிகளின் அரசியல் பிரதிநிதித்துவம் என்ற நியாயமான கோரிக்கையை தமிழக அரசு உடனடியாக பரிசீலித்து முதல்கட்டமாக தமிழக உள்ளாட்சி அனைத்து அமைப்புகளில் மாற்றுத் திறனாளிகளுக்கு நியமன பதவி வழங்கிட சிறப்பு சட்டம் இயற்ற மார்க்சிஸ்ட் கம்யூனிஸ்ட் கட்சி தமிழக அரசை கேட்டுக் கொள்கிறது.