தலைக் கவசம் நியாயமான விலையில் கிடைத்திட உறுதிப்படுத்திடுக-சிபிஐ(எம்) வலியுறுத்தல்!

தமிழக அரசே! தலைக் கவசம் நியாயமான விலையில் கிடைத்திட உறுதிப்படுத்திடுக! – சிபிஐ (எம்) வலியுறுத்தல்

தமிழகத்தில் இன்று முதல் இருசக்கர வாகனத்தில் பயணிப்போர் தலைக்கவசம் அணிவது கட்டாயமாக்கப்பட்டிருக்கிறது. தலைக் கவசம் அணிவது பாதுகாப்பிற்கு மிகவும் அவசியம். ஆனால் அதே சமயத்தில் குறுகிய காலத்திற்குள் இதை அமல்படுத்த வேண்டுமென்று நிர்ப்பந்திப்பது தரமற்ற தலைக்கவசங்களை கொள்ளை லாபத்திற்கு விற்று வாகன ஓட்டிகளை சிரமப்படுத்துவதற்கும், காவல்துறையினர் இதை பயன்படுத்தி அபராதமாகவும், வேறு வகையிலும் பயணிகளிடம் பணம் கறப்பதற்குமே உதவும். தமிழகத்தின் சில பகுதிகளில் இதையொட்டி சில எதிர்ப்பு நடவடிக்கைகளையும் பலர் நடத்தியிருக்கிறார்கள்.

தமிழக அரசு அனைவருக்கும் நியாயமான விலையில் தலைக் கவசம் கிடைக்க உத்தரவாதம் செய்ய வேண்டும். அது வரையிலும் தலைக்கவசம் அணியாமல் செல்வோரிடம் கெடுபிடி செய்வதையும், அபராதம் விதிப்பதையும் நிறுத்தி வைக்க வேண்டுமென மார்க்சிஸ்ட் கம்யூனிஸ்ட் கட்சியின் தமிழ்நாடு மாநில செயற்குழு தமிழக அரசை வலியுறுத்துகிறது.

Check Also

வேகப்படுத்தப்படும் தனியார்மயம் வேலையின்மையை மேலும் அதிகப்படுத்தும்!

ஜூன் 18 ஆம் தேதியன்று நடைபெற்ற அனைத்துக் கட்சி கூட்டத்தில் மார்க்சிஸ்ட் கம்யூனிஸ்ட் கட்சி சார்பில் பொதுச் செயலாளர் சீத்தாராம் யெச்சூரி சமர்ப்பித்த குறிப்பில் கூறப்பட்டுள்ளதாவது: