கரூர் எம்.பி., ஜோதிமணி அவர்களை இழிவாகப் பேசிய பா.ஜ.க கரு.நாகராஜன் மன்னிப்பு கோரவேண்டும்!

மார்க்சிஸ்ட் கம்யூனிஸ்ட் கட்சி வலியுறுத்தல்.

நேற்று (18/5/20) இரவு நியூஸ் 7 தொலைக்காட்சியில்  நடைபெற்ற ஒரு விவாதத்தில் காங்கிரஸ் கட்சியின் கரூர் நாடாளுமன்ற உறுப்பினர் செல்வி ஜோதிமணி அவர்களை பாஜகவின் சார்பில் விவாதத்தில் கலந்து கொண்ட கரு.நாகராஜன் தரம் தாழ்ந்தும். அநாகரிகமாகவும் விமர்சித்து தனிநபர் தாக்குதலில் ஈடுபட்டுள்ளார். மார்க்சிஸ்ட் கம்யூனிஸ்ட் கட்சியின் மாநில செயற்குழு இதை வன்மையாக கண்டிக்கிறது.

நியாயப்படுத்த முடியாத தங்கள் கட்சி மற்றும் ஆட்சியின் நிலைப்பாடுகளை நியாயப்படுத்த முனையும் பாஜக மற்றும் சங்பரிவார் ஆதரவாளர்கள் அதில் தோற்றுப் போகும்போது  தனிநபர் தாக்குதலில் ஈடுபடுவதை தொடர்ச்சியாக பார்க்க முடிகிறது.

கரு.நாகராஜன் தன்னுடைய கருத்துக்கு பகிரங்கமாக வருத்தமும் மன்னிப்பும் கோர வேண்டுமெனவும், இதுபோன்று கன்னியக்குறைவாகவும் முரட்டுத்தனமாகவும் நடந்து கொள்ளும் நபர்களை தொலைக்காட்சி நிறுவனங்கள் விவாதங்களுக்கு அழைப்பதைத் தவிர்க்க வேண்டுமெனவும் தொலைக்காட்சி நிறுவனங்களை மார்க்சிஸ்ட் கம்யூனிஸ்ட் கட்சியின் மாநில செயற்குழு வலியுறுத்துகிறது.

– கே. பாலகிருஷ்ணன். மாநிலச் செயலாளர் .

Check Also

தடுப்பூசி உபகரண ஏற்றுமதி தடையை அமெரிக்கா நீக்க வேண்டும்; சிபிஐ(எம்) வலியுறுத்தல்

இந்தியாவில் கொரோனா வைரஸ் தொடர்பான தடுப்பூசிகளை உற்பத்தி செய்வதற்குத் தேவைப்படும் பல்வேறு துணைப் பொருட்களின் பற்றாக்குறையால் தேவையான அளவிற்கு தடுப்பூசிகள் ...