சுற்றுச்சூழல் செயற்பாட்டாளர் பியூஸ் மனுஷ் கைதுக்கு கண்டனம் விடுதலை செய்ய வலியுறுத்தல்!

சேலத்தை சுற்றுச் சூழல் செயல்பாட்டாளர் பியூஸ் மனுஷ், தமிழக காவல்துறையால் கைது செய்யப்பட்டுள்ளார்.

சேலம் முள்ளுவாடி கேட் பகுதியில் கட்டப்படும் ரயில்வே மேம்பாலத்தை எதிர்த்து  கடந்த 8ம் தேதி சேலம் மக்கள் குழுவினர் போராட்டம் நடத்தினர். ஜனநாயக முறையிலான போராட்டத்தில் ஈடுபட்டவர்களை காவல்துறை கைது செய்தது. நீதிமன்ற ஜாமீனுக்கு விண்ணப்பத்த 3 பேரில், பியூஸ் மானுசை வெளியிட காவல்துறை ஆட்சேபனை தெரிவித்ததால், அவருக்கு மட்டும் ஜாமீன் கிடைக்கவில்லை.

இதனைத் தொடர்ந்து சேலம் மத்திய சிறையில் அடைக்கப்பட்ட பியூஸ் மானுஷ் 30 காவலர்களால் கடுமையாக தாக்கப்படுள்ளதாக அவரின் மனைவி மோனிகா புகார் செய்துள்ளார்.

ஜனநாயக முறையிலான போராட்டத்தில் ஈடுபட்டோரை கைது செய்து, தாக்கவும் முற்பட்டிருக்கும் காவல்துறையின் அணுகுமுறை கண்டிக்கத்தக்கதாகும். இதுகுறித்து மார்க்சிஸ்ட் கட்சியின் மாவட்டக்குழுவும், பிற மனித உரிமை அமைப்புகளும் கண்டித்துள்ளன.

இப்போது வரை பியூஸ் மானுஷ் விடுதலை செய்யப்படவில்லை. சட்டம் ஒழுங்கு பாதுகாப்பில் தோல்வியடைந்திருக்கும் தமிழக காவல்துறை, அப்பாவிகளை தாக்குவதிலும், ஜனநாயக இயக்கங்களை முடக்குவதிலும் முன் நிற்பது கண்டிக்கத்தக்கது. பியூஸ் மனுஷை தாக்கிய காவல்துறை மீது மாநில அரசு நடவடிக்கை எடுக்க வேண்டும்.

அனைத்து தரப்பாரின் வலியுறுத்தல்களையும் ஏற்று, சுற்றுச்சூழல் செயல்பாட்டாளர் பியூஸ் மானுஷை ஜாமீனில் விடுவிக்க வேண்டுமென தமிழக அரசை மார்க்சிஸ்ட் கட்சியின் மாநில செயற்குழு வலியுறுத்துகிறது.

Check Also

இந்திய பருத்திக்கழகத்துக்கு சுமார் 1000 கோடி இழப்பு. இடைத்தரகர்களுக்கு பெரு லாபம். விவசாயிக்கும் தொழில்முனைவோருக்கும் கடும் நெருக்கடி. பிரதமருக்கு சு.வெங்கடேசன் எம்.பி கடிதம்.

நாள்: 01.12.2020 இந்திய பருத்திக்கழகத்துக்குசுமார் 1000 கோடி இழப்பு. இடைத்தரகர்களுக்கு பெரு லாபம். விவசாயிக்கும் தொழில்முனைவோருக்கும் கடும் நெருக்கடி. பிரதமர் ...