இந்திய கம்பெனிகள் சட்டத்தின் 248(5) பிரிவின் கீழ் ஒரே அடியில் இரண்டரை லட்சம் நிறுவனங்களை கம்பெனிகளுக்கான பதிவேட்டில் இருந்து நீக்கிய கம்பெனிகளுக்கான பதிவாளரின் சமீபத்திய நடவடிக்கை குறித்து உங்கள் கவனத்திற்கு கொண்டு வர விரும்புகிறேன்.

மத்திய நிதியமைச்சர் நிர்மலா சீத்தாராமனுக்கு டி.கே. ரங்கராஜன் எம்.பி. கடிதம்

அன்புடையீர், வணக்கம்.
இத்துடன் மார்க்சிஸ்ட் கம்யூனிஸ்ட் கட்சியின் மத்தியக்குழு உறுப்பினரும், மாநிலங்களவை உறுப்பினருமான டி.கே. ரங்கராஜன் எம்.பி., அவர்கள், மத்திய நிதியமைச்சர் திருமதி நிர்மலா சீத்தாராமன் அவர்களுக்கு இன்று (04.9.2019) அனுப்பியுள்ள கடிதம் இணைக்கப்பட்டுள்ளது. 
இதனை தங்களின் மேலான பத்திரிகை / தொலைக்காட்சியில் செய்தியாக வெளியிட கேட்டுக் கொள்கிறோம்.

அவசர அவசரமாக பயன்படுத்தப்பட்ட கம்பெனிகள் சட்டத்தின் 248(5)பிரிவும் அதன் விளைவுகளும்

மத்திய நிதியமைச்சர் நிர்மலா சீத்தாராமனுக்கு டி.கே. ரங்கராஜன் எம்.பி. கடிதம்


அன்புடையீர், வணக்கம்.
இத்துடன் மார்க்சிஸ்ட் கம்யூனிஸ்ட் கட்சியின் மத்தியக்குழு உறுப்பினரும், மாநிலங்களவை உறுப்பினருமான டி.கே. ரங்கராஜன் எம்.பி., அவர்கள், மத்திய நிதியமைச்சர் திருமதி நிர்மலா சீத்தாராமன் அவர்களுக்கு இன்று (04.9.2019) அனுப்பியுள்ள கடிதம் இணைக்கப்பட்டுள்ளது. 
இதனை தங்களின் மேலான பத்திரிகை / தொலைக்காட்சியில் செய்தியாக வெளியிட கேட்டுக் கொள்கிறோம்.

அவசர அவசரமாக பயன்படுத்தப்பட்ட கம்பெனிகள் சட்டத்தின் 248(5)பிரிவும் அதன் விளைவுகளும்

இந்திய கம்பெனிகள் சட்டத்தின் 248(5) பிரிவின் கீழ் ஒரே அடியில் இரண்டரை லட்சம் நிறுவனங்களை கம்பெனிகளுக்கான பதிவேட்டில் இருந்து நீக்கிய கம்பெனிகளுக்கான பதிவாளரின் சமீபத்திய நடவடிக்கை குறித்து உங்கள் கவனத்திற்கு கொண்டு வர விரும்புகிறேன்.

இது தொடர்பாக உங்கள் கவனத்திற்கு ஒரு விஷயத்தை கொண்டுவர விரும்புகிறேன். இந்தச் சட்டத்தின் 248(6)வது பிரிவு மிகத் தெளிவாகவே கீழ்க்கண்டவாறு குறிப்பிடுகிறது:  “இந்தத் துணைப்பிரிவு (5)-இன் கீழ் ஓர் உத்தரவை பிறப்பிப்பதற்கு முன்பாக பதிவாளர் அந்த நிறுவனத்திற்கு வந்து சேர வேண்டிய தொகைகள் அனைத்தையும் பெறுவதற்கும் அந்த நிறுவனத்தின் கடன்கள் மற்றும் இதர பொறுப்புகள் ஆகியவற்றை நிறைவேற்றுவதற்கான தொகை ஆகியவற்றுக்குத் தேவையான ஏற்பாடுகள் செய்யப்பட்டுள்ளதை உறுதிப்படுத்திக் கொள்ள வேண்டும்…”

இவ்வாறிருக்கும் நிலையில் ஒரேயடியாக இரண்டரை லட்சம் நிறுவனங்களை  பட்டியலில் இருந்து அவசர அவசரமாக நீக்கியுள்ள பதிவாளரின் செயல் அந்த நிறுவனங்களுக்கு  வந்து சேரவேண்டிய தொகை மற்றும் அதன் கடன்களையும் பொறுப்புகளையும் நிறைவேற்றுவதற்கான தொகை ஆகிய ஏற்பாடுகள் குறித்து அவர் உறுதிப்படுத்திக் கொள்ள வேண்டும் என்ற 248(6)வது பிரிவிற்கு உகந்த வகையில் நடந்து கொள்ளவில்லை என்பதை மிகத் தெளிவாகவே எடுத்துக் காட்டுகிறது.

கம்பெனிகள் சட்டத்தின் 248(5)வது பிரிவின் கீழ் கம்பெனிகளுக்கான பதிவாளர் ஒரு நிறுவனத்தின் பெயரை பட்டியலில் இருந்து நீக்குவதற்கு முன்பாக அந்த நிறுவனத்தின் சொத்துக்களை பாதுகாப்பது, கடன்களை அடைப்பதற்கான ஏற்பாடுகள் ஆகியவற்றுக்கான பொறுப்பு கொண்டவராக பதிவாளர் இருக்கிறார் என்பதை 248(6)வது பிரிவு விரிவாகவே தெரிவித்துள்ளது.

இப்போது கம்பெனிகளுக்கான பதிவாளர் ஒரேயடியாக சுமார் இரண்டரை லட்சம் நிறுவனங்களை பட்டியலில் இருந்து நீக்கியுள்ளார். இதன் விளைவுகள் படுமோசமானதாக உள்ளன.

1) திருப்பிச் செலுத்த வேண்டிய கடன்கள், தீர்க்க வேண்டிய பொறுப்புகள் ஆகியவற்றுக்கான ஏற்பாடுகள் எதுவும் செய்யப்படாத நிலையில் இந்த நிறுவனங்களுக்குக் கடன் கொடுத்தவர்கள் நீதிமன்றத்தை நாட வேண்டிய கட்டாயத்திற்கு ஆளாக்கப்பட்டுள்ளனர். இது மிக அதிகமான செலவு மற்றும் காலத்தை கோரும்படியான ஒரு செயலாகும்.

2)   அதிகமான காலத்தை கோரும்படியான செயல்முறையை மேற்கொள்ளாமல் இந்த நிறுவனங்களிடமிருந்து பெறப்பட வேண்டிய வரிகளை எவ்வாறு வசூலிக்க முடியும்? அரசு நிர்வாகிகள் இந்த அதிகமான நேரத்தை செலவு செய்வதில் ஈடுபட வேண்டியிருக்கும் என்பதோடு, அரசின் கருவூலத்திற்கு மிகப்பெரும் இழப்பையும் இது ஏற்படுத்தாதா?

3) இந்த நிறுவனங்களிடமிருந்து வரவேண்டிய ஜிஎஸ்டியின் நிலை என்னவாக இருக்கும்? இவற்றிடமிருந்து ஜிஎஸ்டியை வசூலிக்க திட்டமிட்ட ஏற்பாடுகள் ஏதாவது உருவாக்கப்பட்டுள்ளதா?

4) இத்தகைய நிறுவனங்களை பட்டியலில் இருந்து நீக்குவதன் மூலம் தவறான செயல்களில் ஈடுபட்ட இயக்குநர்கள் சட்டத்தின்  பிடியிலிருந்து தப்பித்துக் கொள்ள இது உதவாதா? தவறான செயல்களில் ஈடுபட்ட இத்தகைய இயக்குநர்களின் மீது அரசு எத்தகைய நடவடிக்கைகளை எடுக்கவிருக்கிறது?

5)     இறுதியாக, இந்த நிறுவனங்களின் வங்கிக் கணக்குகள் முடக்கப்பட வேண்டும். சம்பந்தப்பட்ட வங்கிகள் இதுகுறித்த நடவடிக்கைகளை எடுக்க வேண்டுமானால், தான் மேற்கொண்ட இந்த செயல் குறித்து கம்பெனிகளின் பதிவாளர் ரிசர்வ் வங்கிக்கு முறையாகத் தகவல் தெரிவிக்க வேண்டும். இவ்வாறு தகவல் தெரிவிக்கப்பட்டுள்ளதா?

மேலே குறிப்பிட்ட வகையில், இந்த நடவடிக்கையின் பின்விளைவுகளை சமாளிக்க உங்கள் அமைச்சகம் பொருத்தமான நடவடிக்கைகளை எடுக்க வேண்டும் என்று கேட்டுக் கொள்கிறேன். இதன் மூலம் ஒரு புறத்தில் இந்த நிறுவனங்களிடமிருந்து பெறப்பட வேண்டிய நிலுவைத் தொகைகளை அதிகாரிகள் பெற முடியும் என்பதோடு தவறாகச் செயல்பட்ட இயக்குநர்கள் சட்டத்தின் பிடியில் இருந்து தப்பிக்க அனுமதிக்காமல் இருக்கவும் முடியும் என்பதையும் குறிப்பிட விரும்புகிறேன்.

நன்றியுடன்,                                         

உங்கள் அன்புள்ள,

(டி.கே. ரங்கராஜன்)

பெறுநர்:

திருமதி. நிர்மலா சீதாராமன்

நிதியமைச்சர்

புதுடெல்லி – 110001.

Check Also

ஏன் எஸ்சி/எஸ்டி இடஒதுக்கீட்டை ஐஐடி நிர்வாகங்கள் அமலாக்கவில்லை? மாநிலங்களவையில் டி.கே.ரங்கராஜன்…

ஐஐடி நிறுவனங்களின் ஆராய்ச்சித் திட்டங்களில் தாழ்த்தப்பட்ட, பழங்குடியினருக்கு சட்டரீதியாக வழங்க வேண்டிய இடஒதுக்கீட்டை பெருமளவிற்கு இவை உதாசீனப்படுத்தியுள்ளன...