சிபிஎம் திருநெல்வேலி மாவட்ட மாநாடு துவங்கியது!

மார்க்சிஸ்ட் கம்யூனிஸ்ட் கட்சியின் நெல்லை மாவட்ட 21-வது மாநாடு சங்கரன் கோவிலில் ஞாயிறன்று துவங்கியது. கட்சிக் கொடியை மாவட்டச் செயற்குழு உறுப்பினர் ம.ராஜாங்கம் ஏற்றி வைத்தார். இதைத் தொடர்ந்து மாநாடு நடைபெறும் மஹால் வரை பிரதிநிதிகள் ஊர்வலமாகச் சென்றனர். மாநாட்டிற்கு மாவட்டச் செயற்குழு உறுப்பினர்கள் வீ.பழனி, தி.கணபதி, மாவட்டக்குழு உறுப்பினர் ராஜகுரு , தங்கம் ஆகியோர் தலைமை வகித்தனர். வரவேற்புக்குழு தலைவர் முத்துப் பாண்டியன் வரவேற்புரையாற்றினார்.

மாவட்டச் செயற்குழு உறுப்பினர் பி.கற்பகம் அஞ்சலி தீர்மானத்தை வாசித்தார். கட்சியின் மாநிலச் செயற்குழு உறுப்பினர் எம்.என்.எஸ்.வெங்கட்டராமன் மாநாட்டை துவக்கி வைத்துப் பேசினார். மாவட்டச் செயலாளர் கே.ஜி.பாஸ்கரன் வேலை அறிக்கையை சமர்ப்பித்தார். திங்களன்று கட்சியின் மத்தியக்குழு உறுப்பினர் அ .சவுந்தரராசன், எம்.எல்.ஏ., மாநாட்டை வாழ்த்திப் பேசுகிறார். மாநிலச் செயற்குழு உறுப்பினர் எஸ்.நூர்முகம்மது நிறைவுரையாற்றுகிறார். மாநாட்டுப் பேரணி 9ம்தேதி நடைபெறுகிறது.

Check Also

வாழ்விழந்த மக்களுக்கு வாழ்விடம் கோரிய போராட்ட பயணத்தடம்…

PDF பதிவிறக்கம் செய்யDownload பெருநகர சென்னை மாநகராட்சி, 2015ஆம் ஆண்டு ஏற்பட்ட பெருவெள்ளப் பெருக்குக்கு சென்னையை சுற்றியுள்ள நீர்நிலைகளை ஆக்கிரமித்து ...